الطُّموح مَصْيَدِة إنْت بْتِتْصوَّر إنَّك بْتِصْطادُو .. بْتِكْتِشِف إنَّك إنْت الصِّيد الثَّمين .. غيورغي فاسيلييف

الطُّموح مَصْيَدِة إنْت بْتِتْصوَّر إنَّك بْتِصْطادُو .. بْتِكْتِشِف إنَّك إنْت الصِّيد الثَّمين ..

تْنين صْحاب/رِفْقات راحوا عالنهر حتَّى/تَـ يصيدوا سمك. وِصْلوا عالنَّهر وكِلّ واحد منون رَمى صَنّارْتو بِالْمَي. بعد فَتْرَة واحد منون صاد سمكة كبيرة. اللي صاد السمكة حَطّا بْشِنْتايْتو وقام بَدُّو يروح عالبيت.
سَألو رفيقو التاني:
- شو، لَوين رايح؟! ..
- رايح عالبيت. أنا صِدْت/صْطَدْت سمكة كبيرة كتير وهادا كافي إلي/بْيِِكفيني! ..
- نْتِظِر/سْتَنّى شوي منشان تِصْطاد/تْصيد سَمَك أَكْتَر مِتْلي...!
- وليش لازم صطاد/صيد أكْتر من هيك؟!
- إذا بْتِصْطاد/بِتْصيد أكتر، فينك تْبيعون!
- وليش لَبيعون (وليش لازم ساوي هيك)؟ ..
- بتاخُد مصاري/فلوس/مال!
- وليش المصاري من بيع السمك؟!
- فيك بعدين تِشْتري شو ما بَدَّك، أو فيك تْحِطُّون بِالْبَنْك، ويوم بعد يوم بيصير معك مصاري كتير!
- ومِنْشان شو لازم حِطّون بِالْبَنْك (وليش حطون بالبنك)؟!
- منشان تصير غني كتير!
- ومنشان شو صير غني؟!
- منشان، بيوم من الأيام عندما تِكْبَر فينك تِسْتَمْتِع بِْوَقْتَك مع وُلادَك وزُوجْتَك!
- هادا بالضَّبْط اللي عم ساوِيّو/ساويه هلأ، ورح ساويو بعدين، وأنا ما بَدّي أَجِّلو لَحَتّى كْبَر (صير كبير) ويِِضيع الْعِمْر! يَلاّ نِرْجع عالبيت!
- لا حبيبي، الله معك، بْشوفَك بْخير! والزَّمَن بِيناتنا!
- إي، متل ما بَدَّك، بِتْمَنّالك حَظّ منيح!
- مع السلامة!
2011